63,00€ 60,00€
Mel producido na comarca de Sarria, con predominancia de castiñeiro, silva e queiroga.
Caixa de 6 tarros de vidro de 1 kg.
De pequeno, David Veiga ía co seu pai a ver as abellas que tiña repartidas pola comarca de Sarria. El entretíñase botando un pouco de fume e así, pouco a pouco, foise familiarizando co oficio até que hai 4 anos decidiu deixar o emprego nunha carpintaría de aluminio na que traballaba para adicarse á apicultura. Hoxe, con 400 colmeas, xa vive das abellas. Produce mel, pole e enxamios e quere seguir medrando e diversificando
Coñece máis
Mel procedente da diversidade floral da comarca de Sarria, con predominancia de castiñeiro, silva e queiroga.
PROPIEDADES:
O mel, grazas ás súas características, é un alimento natural sen manipulación nin emprego de aditivos que favorece a boa saúde. O consumo habitual de mel mellora moito o valor dietético da nosa alimentación ao substituírmos o azucre polo mel.
É un alimento enerxético que fornece ao organismo de calorías rapidamente asimilables, útiles para a práctica física e para o traballo intelectual. É moi adecuado para persoas maiores, débiles ou enfermas.
O mel está dotado de propiedades antibacterianas, útiles para arrefiados e gripes, así como para irritacións de gorxa.
RECOMENDACIÓNS DE CONSERVACIÓN:
Conservar a temperatura ambiente sen sobrepasar os 20 graos centígrados e protexido da luz solar.
A cristalización do mel é un proceso natural que se debe á elevada concentración de azucres nobres e de substancias nutritivas. A composición do mel cristalizado é idéntica á do seu estado líquido orixinario, soamente cambia o estado físico.
Os meles industriais sometidos a altas temperaturas no seu envasado preséntanse no mercado sempre líquidos, pero este proceso de pasteurización provoca a perda das súas propiedades biolóxicas e terapéuticas, polo que a cristalización do mel é un indicativo de produto natural.
Reseñas
Aínda non hai valoracións.