Produtos de Friol (pan de Ousá e chourizos caseiros)

O pan de Ousá é un bolo tradicional feito con fariña do país que se elabora nesta parroquia do concello de Friol.

Elaborado de xeito artesán mediante unha fermentación longa e cocido en forno de leña. O auténtico sabor do pan da casa que facían as avoas.

INGREDIENTES:
Fariña galega de trigo, fariña de forza, formento, auga e sal

CONSERVACIÓN:
Mantense en perfecto estado durante 4 días.

 

Pan de uvas pasas e noces, o pan de sempre con novos ingredientes, como o sabor doce das pasas e o aporte das noces como froito seco no medio do molo do pan tradicional galego.

Ideal para o almorzo ou para acompañar un entrante, como por exemplo un queixo, un embutido ou un paté.

Elaborado de xeito artesán mediante unha fermentación longa e cocido en forno de leña.

INGREDIENTES:
Fariña de trigo do país, fariña de forza, formento, auga, sal, noces e uvas pasas.

CONSERVACIÓN:
Mantense en perfecto estado durante 4 días.

 

Empanada tradicional galega elaborada de xeito artesán.

Feita con masa de pan de Ousá e cocida en forno de leña.

Tamaño 29×21 centímetros.

Pódese escoller o recheo entre os seguintes ingredientes:

• Empanada de liscos (panceta e chourizo), tradicional da zona de Lugo
• Empanada de atún
• Empanada de bacon e queixo
• Empanada doce de mazá, ideal como sobremesa

 

Chourizos caseiros elaborados a partir de porcos alimentados sen pensos, o auténtico sabor dos chourizos da casa.

10 unidades envasadas ao baleiro en 2 bolsas de 5 chourizos cada unha e un peso aproximado de 450 gr.

Elaboración artesá: a carne é cortada á man, sen ser picada por medios mecánicos, e o atado é tamén manual.

A zorza non leva conservantes artificiais e é embutida en tripa natural de porco.

INGREDIENTES: 
Carne magra de porco, allo, sal, pemento doce e pementón picante.

DATA DE CONSUMO PREFERENTE:
6 meses, aínda que se conservan en perfectas condicións durante máis dun ano.

Ingredientes	Atún, Bacon con queixo, Liscos, Mazá